Mbrëmje përkujtimore dhe promovim i librit "Shkruaj, sepse ekzistoj!" nga Qani Osmani

Këtë të diel, ju ftojmë në mbrëmjen përkujtimore kushtuar publicistit Qani Osmani, me rastin e promovimit të librit të tij të fundit, „Shkruaj, sepse ekzistoj!“, një përmbledhje e shkrimeve të tij të fundit.
Ju ftojmë që së bashku të nderojmë kujtimin dhe veprimtarinë krijuese të autorit, i cili në shkrimet e tij trajtoi çështje të rëndësishme shoqërore dhe politike, duke reflektuar mbi zhvillimet në jetën publike, identitetin, demokracinë dhe sfidat e shoqërisë shqiptare në Mal të Zi dhe më gjerë.
Në përgatitjen e këtij botimi kanë kontribuar: redaktori, dr. Nail Draga; recensenti, Ali Salaj; lektori, Esat Mehmeti; dhe redaktori teknik, Gazmend Çitaku.
„Shkruaj, sepse ekzistoj!“ është një vepër e botuar pas vdekjes së autorit (post mortem), titulli i së cilës shpreh thellësisht lidhjen e tij me fjalën e shkruar dhe dëshirën për t’u shprehur përmes saj.

📍 Vendi: Qendra për Kulturë, Ulqin
📅 Data: 1 nëntor 2026
🕕 Ora: 18:00

Ju mirëpresim!